Ti ar Vro Kemper a zo ur gevredigezh krouet e 1996 diwar intrudu Ti Kêr Kemper hag ar c'hevredigezhioù sevenadurel.

E 2015, bod a ra un daou-ugent kevredigezh hag izili war o anv :

• sonerezh (bagadoù, laz kanañ, strollad, gouel…)
• dañs (kelc'hioù keltiek, kevreadoù…)
• brezhoneg (skolioù, kentelioù noz…)
• sport

En holl e ra muioc'h eget 2000 den bodet e Bro Gemper.

Ti ar Vro Kemper a gemer perzh e rouedad an emglevioù bro Breizh :

• e Kerne Izel gant Emglev Bro Douarnenez, Startijenn ar Vro Vigoudenn (Bro Vigoudenn), Tud Bro Konk (Bro Gonk Kerne - Aven), Ti ar Vro Bro Kemperle (Bro Gemperle - Aven).
• e Breizh gant an Agence Culturelle Bretonne (An Naoned), Al levrig (Lanuon-Kawan), Emglev Bro An Oriant (An Oriant), K.L.T. (Montroulez), Sked (Brest), Skeudenn Bro Roazhon (Roazhon), Ti ar Vro Leon (Lesneven).

An oberiantizoù

• Kelaouiñ,
• Ar c'hrouiñ arzel,
• Lakaat war wel labour ar re yaouank (fest-noz gant ar skol sonerezh, abadenn Kemper o Tañsal),
• Labourat gant ar skolioù, gant sikour an izili hag e kenlabour gant kevredigezhioù sevenadurel Kemper ha Kerne.

Ti ar Vro Kemper abaoe eo staliet er batis prestet gant Ti kêr Kemper (jimnaz kozh ar Quimperoise) e miz Here 2006 eo deuet da vezañ ul lec'h degemer evit an izili hag ar genlabourerien.

Ar skipailh