Deskiñ brezhoneg evit micherioù ar c’helenn er skolioù divyezhek – 3 miz donaat

Kinnig a ra KELENN ur stummadur 3 miz donaat evit an dud deuet c’hoant ganto mont war micherioù ar c’helenn divyezhek brezhoneg-galleg er c’hentañ pe en eil derez pe bezañ degemeret e Master MEEF-EBI KELENN.

Al live a glasker tizhout da nebeutañ da fin ar stummadur eo live B2 an DBY (DCL)*, gantañ e c’haller mont war hini pe hini eus ar micherioù-se pe bezañ degemeret e Master danvez skolaerien Diwan (MEEF-EBI) e KELENN.